Hvað skal gera við 720L búr í 2-3 daga?

[Andri Pogo]

Það lak af ofnakerfinu okkar á parketið í stofunni og skemmdi það. Við fáum nýtt parket frá tryggingunum og iðnaðarmenn til að skella því á. Ok ekki svo flókið...
En hvað í ósköpunum á maður að gera við fiskabúr sem vegur 1 tonn á meðan ef það kemst ekki inn í svefnherbergin á meðan og það er ekki hægt að hreyfa við því meðan það er enn vatn í því, hvað þá lyfta því frá og aftur upp á nýja parketið...
Tek það fram að ég ætla ekki að fara að standa í einhverju veseni með að veiða fiskana uppúr og hafa þá í smærri ílátum á meðan um alla íbúð, vil ekki taka neina sénsa með að fiskarnir drepist.
Datt í hug stórt fiskikar á meðan fyrir fiskana en ég vil þó ekki standa í því að redda því, sækja og skila. Ég ætla helst að láta tryggingarnar sjá um þetta alfarið þar sem þeir voru nú ekki alveg þeir kurteisustu þegar þetta var metið
Tek það þó fram að ég er að sjálfsögðu búinn að ræða þetta mál við tryggingarnar en þeir vita bara hreinlega ekkert hvað er best að gera í málinu en eru þó að ath þetta.

Einhverjar hugmyndir um aðra lausn með fiskana?

[Ólafur]

Sæll Andri.
Ég hef lent i svipuðum aðstæðum og þú ert i núna en bara með 400 litrana en ég skipti um gólfefni hjá mér fyrir nokkru og þá gerði ég það þannig að ég lagði gólfefnið alveg að búrinu siðan tæmdi ég það þangað til að fjórir gátu lyft þvi upp á nýja gólfefnið,fyllti það aftur af vatni og hélt áfram að leggja á gólfið og þegar það var búið þá hafði ég sama háttin á og áður þegar ég kom búrinu fyrir aftur þangað sem það átti að vera endanlega þ.e.a.s. tæmdi þangað til að við gátum mjakað þvi til og fyllti aftur strax af vatni en það munar talsvert á litrafjöldanum hjá okkur en það sakar ekki að prófa en mesta stressið hjá fiskunum var bara þegar við vorum að færa búrið til en þeir voru fljótir að jafna sig.

Kv

[keli]

Ég myndi halda að Ólafur sé með þetta, og held að ég myndi gera þetta á sama veg.

Ég myndi amk alls ekki treysta einhverjum parketlagningarmönnum eða tryggingaköllum fyrir því - Þú neyðist til þess að gera þetta sjálfur hvernig sem þeir komu fram við þig...

[Andri Pogo]

takk fyrir það Ólafur, ég gæti ath með það, en ég er ansi hræddur um að það sé ekki hægt að hagga við því með fiskunum í, þeir eru orðnir svo stórir að ég get ekki tekið meira en 70% vatn. Það er þó kannski séns ef það er hægt að fá 6-8 manns hmm?

En jú Keli ég er sammála, ég treysti engum öðrum fyrir þessu en málið var að ef ég myndi færa þá yfir í t.d. kar eða lánsbúr þá ætlaði ég að láta tryggingarnar sjá um að redda því en ég myndi auðvitað sjá um fiskana sjálfur. Bara pirrandi að standa í einhverju svona veseni í sumarfríinu sínu og ekki batnar það að mæta dónaskap hjá tryggingafélaginu.

[Ólafur]

Andri ég tók vatnið úr þangað til að uggarnir stóðu uppúr og það tók ekki nema eina minutu að færa búrið og siðan vatn i aftur en já það er spurning hvort 70% dugar hjá þér en þú getur tekið þá fiskana uppúr rétt á meðan þú tæmir búrið,fært það siðan með mölini i einni og svo vatnið i aftur og fiskarnir strax aftur i

[Sven]

úff, 30% af 720 lítrum eru nún rúm 200 kíló, búrið svo örugglega á milli 100 og 150 kíló og skápurinn ofan á það, þetta er örugglega að nálgast 400 kílóin allt í allt
Væri ekki málið að taka meira af vatninu, geyma slatta af því í tunnum rétt á meðað og fylla svo strax eftir að það er búið að færa búrið?

[audun]

ég get látið þig fá 10 lítra fötur og 100 lítra lánsbúr og jafnvel annað 160 lítra þá fljótlega.

[Birgir Örn]

Ef þú verður að taka þá úr á ég 115l búr sem ég get lánað þér á meðan með dælu en ekki hitara

[Andri Pogo]

takk fyrir það strákar, ég ætla að melta þetta yfir helgina hvernig ég fer að þessu

[Karen]

Úff, ekki gaman að lenda í þessu!
Gangi þér vel með þetta allt!

[audun]

þetta er samt ekkert grín. ég var að flytja 800 lítra búrið inn í kjallaraíbúð. og það er með stálplötu undir svo það er 200 kg. við vorum 6 karlar og þetta var hálftími 10 metra vegalengd.

[Piranhinn]

Ég skal lyfta ef þig vantar, láttu mig bara vita hvenær þá og ég verð vonandi ekki að vinna, það er eflaust til nóg af hraustum köllum hérna sem eru til í að taka á því með Andra er það ekki?

[Sven]

Þér er líka velkomið að hafa samband við mig, verð í sumarfríi næsta mánuðinn þannig að ef ég er í bænum, þá er lítið mál að leggja hönd á plóginn.

[Vargur]

Þetta er ekkert stórmál, bara spurning um hvernig megi gera þetta upp á fyrirhöfn, pláss og kostnað, hjólatjakkar, talía boltuð í loftið osf er spennandi verkefni.
Þrjár stýfur gegnum skápinn undir búrið (ef hægt er) og 4-6 menn fara létt með búrið hvert sem er með 2-300 kg af vatni.

[Andri Pogo]

jæja þetta gekk bara helvíti vel ég asnaðist þó til að hjálpa við að færa búrið og á eftir að gjalda fyrir það með bak- og hnéverkum næstu daga
tók um 4 tíma í heildina að tæma, færa, parketleggja undir, færa og fylla aftur.
Tókum allt vatnið úr búrinu og megnið af mölinni þannig að við gátum fjórir ýtt því frá og lyft svo upp á nýja parketið.
Mest vesenið var að færa stærstu fiskana en þeir eru nokkrir vel rispaðir og blóðugir eftir hasarinn
Skellti 400L búri upp inni í eldhúsi undir Paroon og Clown knife og til að geta geymt smá vatn.
Fiskarnir í 300L búrinu inni í hobbyherbergi voru færðir um helgina og þar fengu albino pangasius og Tigerinn að bíða.
Polypterusarnir fengu plastdollur með loki en þeir hefðu hoppað uppúr hinum búrunum.

Önnur polypterus dollan með þeim stærstu:

[keli]

Djöfuls helling af polys áttu.. Ég hélt að þú hefðir losað þig við eitthvað af þeim

[Andri Pogo]

hehe jújú ég átti 30 eða 31 mest en fór niður í 19 og aftur í 22stk um daginn