Eru allir sniglar með vesen?

[Hraunið]

Heil og sæl fiskafólk,

Við hérna félagarnir vorum að spá hvort að allir sniglar væri bara tómt vesen. Við fengum tvo svoleiðis í dag og eftir að hafa skannað umræðurnar hér í dag þá erum við doldið hræddir um að sniglafaraldurinn komi í búrið okkar. Kannski aulaspurning en við erum rookie í þessum bransa og viljum ekki kúka upp á bak...

Spurning er því þessi: Verða allir sniglar að einhverjum faraldri eða eru það bara sumir?

kveðja,

Hraunið

[Gudjon]

ég hef aldrei lent sjálfur í þessum faraldri, ef þið lendið í honum þá ætti að nægja að kaupa eitt stykki bótíu
Ég er reyndar alltaf að heyra að þessir litlu brúnu verði oft að faraldri, hef ekkert heyrt um eplasniglana, þeir eru nú að verða frekar margir hjá Ólafi

[Vargur]

Þið hraunarar eruð með eplasnigla og þeir teljast til góðra snigla. Sniglar sem oft koma með plöntum geta sumir hverjir verið argasta plága.

[keli]

Fúlt líka að fá snigla í búr sem maður getur ekki losnað við þá úr... Ég er t.d. með HELLING af trumpet snails í piranha búrinu mínu, en það böggar mig ekki þar sem þeir eru alltaf bara í sandinum.

Ef þetta væru venjulegir sniglar þá væri ég ekki sáttur... Og ekki einfalt að losna við þá, því ekki bætir maður bótíu í búrið

[Ásta]

Þið kúkið ekki upp á bak með eplasniglana en með þessa litlu fjanda sem einmitt koma oft með gróðrinum gætu þið kúkað upp á hnakka.
Eins og Guðjón segir eru bótíurnar besta lausnin ef hægt er.

Hvað eruð þið annars með í búrinu?

[Varlamaður]

Ég hef ekki haldið neinum sniglum á lífi hjá mér, síklíðurnar eru nokkuð duglegar við að narta í þá.

[Gudjon]

Afrísku síkliðurnar tóku alltaf Sniglana hjá mér, en Amerísku líta varla við þeim

[Hraunið]

þökkum góð svör... Gaman að þessu spjalli.

Við erum því miður ekki orðnir það góðir að vita hvað þessi fiskar heita. Erum með eitthvað bland í poki í búrinu okkar til að byrja með. Allavega 3 kellingar sem eru að fara eiga og það er voða spennandi...allavega til að byrja með og stefnum á að verða ræktunarkóngar Íslands

Vargur gæti kannski sagt ykkur hvað við erum með og þá okkur í leiðinni svo við vissum hvað er í búrinu

kveðja,

Hraunið

[Varlamaður]

Það væri nú gaman að fá að sjá myndir af búrinu ykkar og íbúum þess.

[Ásta]

Þá skora ég á Varginn að segja frá.

Vegna áskorunar Varlamanns er mér spurn hvort þið megið hafa myndavél þarna inni?

[Hraunið]

Kæra sliplips

Til að koma í veg fyrir misskilning þá erum við ekki á Litla-Hrauni heldur Hrauninu (félagsmiðstöð í HFJ). Kannski að þetta sé bara fyrst stopp fyrir Litla-Hraun hehe...

Við erum að vinna í því að fá einhverjar myndir af íbúum búrsins okkar.

kv,

Stóra-Hraun

[Ásta]

Ohhh, hehe
Eins gott að hafa það á hreinu... hitt Hraunið var mér ofarlega í huga vegna vinnu minnar.

Vona að enginn af ykkur lendi þar

[Varlamaður]

LOL

[Varlamaður]

Ég líkti og Slippý hélt líka að um Litla hraun væri að ræða. Mikið var þetta skemmtilegt. Svona getur misskilningur verið.

[~*Vigdís*~]

hehe

Fyrir mína parta þá geta sniglar verið æðislegir

Í raun eini gallinn er að það gengur ekki að hafa bódíur með þeim

Hér eru nokkrar tegundir sem ég er með og bara ekkert vesen ...


Nerita snigill sennilega Neritina coromandeliana
Rosafallegir nánast ómuglegt að fjölga þeim samt
Verpa endalaust eggjum ofan í vatninu ýmist á gróður eða steina en ekkert
gerist, veit ekki til þess að hægt sé að þekkja kynin (á þrjá) til að
vita hvort eggin séu eftil vill bara ófrjó...

Hvítu dílarnir tveir á plöntunni eru svona egg eftir þá...
---------------------------------------




Hornsnigill Þeir eru líka af ættinni Neritoidea
held þeir heiti Theodoxus corona en er ekki viss gæti líka verið Theodoxus coronatus
Enda frekar líkar og skildar tegundir veit alltof lítið um þá...
frekar lítið lesefni í boði fyrir greyin en ég á 3 stk af þessari tegund,
enginn eins Hér eru annar

---------------------------------------



Eplasnigill Ampularia australis gold
Rosa fínn Þessir verða frekar stórir og gaman er að dúlla í þeim

Þvílíkt fyndið að setja þá á lófan á sér og bíða, þegar þeir byrja að skríða
finnur maður alveg fyrir skráptungunni bara skondin tilfinning
---------------------------------------



Viviparus ?
Er bara ALLS ekki klár á latneska heitinu hér, sem er bara pirrandi,
mjög mikilvægt að kunna latneska heitið á öllum mínum gæludýrum
En þetta er sennilega gotsnigill sem gítur lifandi afkvæmum en
bara fáum í senn... Grunar að þetta sé því af ættkvíslinni Viviparus
(sem eru oft kallaðir mysteri snails) Þar sem þeir voru í tómubúri
hjá seljandanum og höfðu þar birst nokkur afkvæmi án sýnilegs eggjaklasa...
---------------------------------------

Þessi er reyndar í minnstu uppáhaldi hjá mér...



Hrútshorn Marisa cornuarietis
Þessum er mjög auðvelt að fjölga og eru þeir stundum pest í fiskabúrum,
þess vegna er ég bara með einn Hann étur líka ALLT alger villingur,
ótrúlega duglegur að narta í gróðurinn minn ef ég var ekki dugleg að færa honum
gúrkubita nenni ekki að eiga svona núna
---------------------------------------



Næsta mynd er stolin af netinu
ákveðin hæfileiki sem ég hef


Melanoides tuberculata þessir eignast lifandi afkvæmi, mjög
þreytandi, maður getur haldið svona samt vel í skefjum með réttri matargjöf,
um leið og maður ofgefur aðeins þá verður botninn iðandi *hrollur*
---------------------------------------

[Vargur]

Væri ekki málið að fá þennan sniglafróðleik Vigdísar í fræðsluna hér.

Þeir Hraunarar (já ekki Litla-hrauns menn, það má ekki vera með tölvur, myndavélar eða fiska þar) eru með eitthvað bland í búrinu.
Ef ég man rétt.
3 Indjána-platy (gula)
3 Sverðdragara
2 Perlugurama
2 Rubripinnis tetrur
2 Neon tetrur

Þið getið litið hér yfir og séð hvort eitthvað vanti hjá mér eða mig mismynni.
http://www.fiskabur.is/myndir_vefur/Fis ... lokkar.htm

Það væri gaman ef þið settuð inn þráð um búrið ykkar hér á spjallið, einkonar dagbókar form um hvað er að gerast í búrinu.

[~*Vigdís*~]

best að ég geri bara nýjan póst þar, en þetta er eiginlega svo
lítill fróðleikur meira svona mont myndir ,,vú hú ég á flotta snigla" dæmi

[Ásta]

Hvað er búrið stórt?