Núna eru allavegana tveir sýktir fiskar, kannski bara einn, kannski eru þeir allir sýktir en ekki sýnilega. Stóri svarti skalinn minn hefur verið með þetta í hálft ár, reyndar sé ég ormana ekki núna, en ég sá þá vel hérna fyrr í vetur. Núna sé ég að gúbbí kerlan mín er með þessa orma og lítur hún alls ekki vel út. Hún er grindhoruð og stökkbólgin á afturendanum út af ormunum sem stingast þar út úr henni.
Fiskarnir borða vel þrátt fyrir ormana, allavegana skalinn, gúbbí kerlan borðar ekki eins vel. Ég hef ekki mikla trú á að hún muni lifa lengi í viðbót, en hver veit, ég hélt skalinn svarti myndi deyja, en hér er hann enn.
Hér er gömul mynd af skölunum mínum tveim þegar þeir voru með hringormana (marmarinn drapst út af þeim)
Hefur einhver lent í því að þurfa að takast á við þessu vandamáli hér áður? Þetta er ekki algengt hér á íslandi svo ég viti, en ég veit ekki alveg hvar ég geti hafa fengið þetta.
Veit einhver um gott lyf eða eitthvað við hringormum, eða þarf ég bara að slátra öllu hjá mér og sótthreinsa búrið?
