Litla gotfiskabúrið mitt

[Andri Pogo]

Keypti á dögunum lítið búr til að hýsa Walking catfish á meðan hann stækkar og ákvað að bæta við gotfiskum í það.

Ég er núna með tvö tríó í búrinu, annarsvegar flotta rauða sverðdraga og hinsvegar gúbbý.
1 kk á móti 2 kvk í báðum tilvikum.

Nokkrar lélegar myndir:

Gúbbý kall


Gúbbý kellingar


Sverðdraga kelling, þessi er nokkuð stærri en hinir






Sverðdragakall og Gúbbýkall með Gúbbýkellu á milli sín


Stóra sverðdragakellan að skoða walking catfish


Hitastigið í búrinu er ca 25-26°
Er með tvo hraunmola og tvö rör í búrinu, Walking catfish notar annað þeirra.
Svo er ég með þrjár litlar cabombur sem virðast dafna vel og javamosa.

Búrið er miklu líflegra núna því walking catfish liggur í felum á daginn. Svo verð ég bara að passa að taka hann úr búrinu þegar hann er orðinn nógu stór til að éta gotfiskana.

Ég bíð bara spenntur eftir seiðum

[keli]

Kattfiskurinn bíður líka spenntur eftir þeim

[Vargur]

...slefandi sennilega.

[Andri Pogo]

hahah já ætli það sé ekki rétt

[Andri Pogo]

var að koma heim og gúbbýkallinn var dauður uppá javamosanum, nokkuð heill en það er búið að éta úr honum augun

[Andri Pogo]

Fékk nýjan gúbbýkall í dag, tók mynd í flýti:


Ég las að þegar kellurnar eru komnar með svartan blett á magann, þá eru þær óléttar... Er það ekki þessi blettur sem sést á kellunni?

Og er hægt að sjá ca hversu langt hún er gengin

[Vargur]

Þessi kerling er í mesta lagi ólétt síðan í fyrradag.

[Andri Pogo]

hehe jæja
En hvað með þennan blett, hverfur hann svo þegar hún er búin að ...gjóta?

[Ásta]

Já, hann hverfur þegar hún er búin.
Áttu flotbúr sem þú getur sett kelluna í þegar að því kemur?
Það er alltaf svolítið gaman að ná seiðunum og fita þau upp.

[Andri Pogo]

nei en ég ætla að versla svoleiðis á næstu dögum, ég gleymi því alltaf þegar ég fer í fiskabur.is að taka þannig

[Ásta]

Ég mæli eindregið með svoleiðis búri.
Hef séð nokkrar útgáfur og best er að kaupa svona með "neðri hæð", þar sem seiðin detta niður og mamman nær þeim ekki.

[Andri Pogo]

jæja ég keypti í dag flotbúr, svona með neðri hæð fyrir seiðin og líka hægt að skipta efri hlutanum í tvennt ef maður þarf að setja tvær kellur í.

Ég bætti einum kalli og einni kellu við í dag. Sú er með ansi stóra bumbu að mínu mati, amk miðað við hinar. Hvað segiði um hana? Alveg að fara að gjóta?
Bara spá hvernær væri tímabært að skella henni í flotbúrið.


þið eruð heppin að myndavélin speglaðist í búrinu en ekki nakinn kall


Hérna sést munurinn á kellunum.


Ansi myndarlegur sporður á nýja kallinum.


Og þennan valdi ég í Fiskabur.is.. Flottur hann er með grænum lit líka sem sést illa á myndinni

[Ásta]

Ég veit ekkert hvursu heppin við vorum með speglunina en mér líst vel á búrið sem þú keyptir. Bráðsniðugt að geta skipt því.

Ég er nú hálf feimin við að svara þér með þessa kerlingu, það eru aðrir hér miklu fróðari en ég um þessi mál en tel samt að hún eigi eitthvað aðeins eftir. Kannski viku eða svo? Fróðlegt að heyra hvað spekingarnir segja.
Annars var ég alltaf svo spennt með gotfiskana að þeir voru stundum í flotbúrinu hjá mér í allt að 10 daga áður en þeir gutu, vildi sko alls ekki missa seiðin.

[Vargur]

Það er ágætt viðmið að setja kerlurnar ca viku eftir að manni sýnist kominn tími á þær.

[Andri Pogo]

hehe ok ég get þá skellt þessari einhverntima í næstu viku

[Birkir]

heildarmynd af búrinu?

[Andri Pogo]

Ég er ekki búinn að taka neina nýja mynd af búrinu, en þessar eru síðan ég setti það upp. Er búinn að bæta við blómapotti, einni cabombu og javamosa síðan.
Líka búinn að taka það úr hillunni og setja það á skrifborðið mitt, það var svo erfitt að komast í búrið, ekkert hægt að fara með háf í það og flotbúrið sem fer í það komst ekki.





walking catfish er farinn úr búrinu og yfir í stóra og í staðinn fékk einn bláhákarl að færa sig yfir í litla vegna veikinda.

[Andri Pogo]

Ég skellti búrinu bara í myndatöku
Þetta er ~40 lítra búr, keypti hreinsidælu fyrir það og ikea hilluljós sem ég var að nota, liggja núna ofan á glerlokinu þar til ég finn betri ljós.

Íbúar búrsins eru:
2 kvk sverðdragar, rauðir
1 kk sverðdragi, rauður
3 kvk gúbbý
2 kk gúbbý
2 eplasniglar
(og bláhákarl tímabundið)

Heildarmynd af búrinu:


fallegt skrifborðsskraut:


og skrifborðið... hérna verður gott að sitja við tölvuna, skoða fiskaspjallið, hlusta á gutlið í vatninu, suðið í dælunni og veiða lítil seiði

[Birkir]

helvíti sneddí bara

[Squinchy]

Þetta er alveg géggjað, er svo að fíla þetta þarna hjá tölvunni, langar sjálfur í svona hjá minni tölvu en það er svo lítið pláss :/

[Vargur]

Fiskabur.is má fá bráðsnjöll skrifborðsbúr.
Fást í svörtu og silfruðu.


Length 40cm
Depth 20cm
Tank Height 24.8cm
Height including hood 31.3cm
Volume 17 litres
Glass thickness 3mm
Weight 5.1kg

Lok með ljósi, hitari, dæla osf fylgir með.

[Andri Pogo]

Ég skellti feitustu gúbbýkellingunni í flotbúrið í fyrradag.. en ákvað að taka hana úr því sama dag, hélt hún ætti meira eftir.
Svo áðan var ég að kíkja í búrið og var hún ekki að fela sig bakvið dæluna með nokkur seiði með sér
Dreif mig að henda henni í flotbúrið og veiddi 5 seiði.
Nú eru komin 15 seiði í búrið og enn smá eftir held ég.





Það er alveg merkilegt að fylgjast með þessu, fyrsta sinn sem ég upplifi svona

[Vargur]

Til hamingju með börnin.
Alveg merkilegt hvað manni þykir alltaf jafngaman að sjá seiði í búrunum.

[Andri Pogo]

já þetta er gaman, ég ætlaði að nota seiðin sem fóður fyrir stærra búrið en ég held að ég leyfi þessum að stækka. Sé svo til með næsta eða þarnæsta með fóðrið.
Hvað eru svona seiði annars lengi að ná nógu góðri stærð til að lifa af með hinum gotfiskunum?

Þau eru enn 15 í búrinu og ég tók kelluna frá, hún hafði ekkert gotið í góðan tíma og orðin grönn aftur. Svarti bletturinn er samt ennþá aftan á maganum á henni. Eru þá enn einhver seiði í henni ?
Og hvað koma yfirleitt mörg í hverju goti?

[Einar]

Til hamingju með seiðin!
Ég er einmitt með nokkrar Limiur með Labbandi kattfiskunum mínum, er að vona að það fari að verða einhver fjölgun þar...
Hvernig er með Limiur...? hvernig sér maður á þeim hvenær það er tímabært að setja þær í flotbúrið? Kemur svartur blettur þar líka?

[JinX]

til hamingju með þetta, ég er nýbúinn að lesa að gúbby kellan getur gotið frá 10 til 60 seiðum þannig að það er ómögulegt að segja hvað hún mun gjóta mörgum út en þar sem ég persónulega hef enga reynslu á þessu ætla ég ekki að tjá mig um hvort hún eigi meira eftir

[Ásta]

Það er svo spennandi að fá svona seiði.
Þú þarft líklegast að hafa þau í nokkrar vikur í flotbúrinu.

[Andri Pogo]

núna er rúm vika frá goti gúbbýkellunnar og hún er aftur orðin álíka feit og hún var... getur verið að hún hafi ekki klárað síðast og sé að koma með fleiri á næstu dögum?
Þessi svarti blettur á henni hvorki hvarf né minnkaði.
Svo finnst mér lítið vera að gerast með hinar, en þær eru þó aðeins að blása út.

Svo bættist við í búrið í dag. Inga keypti rauðan bardagakall í fiskabur.is og hann fær að vera í litla búrinu

[Andri Pogo]

Óskýr, en þó mynd af bardagakallinum hennar Ingu:


og búrið orðið ansi fjörugt. 3 sverðdragar, 5 gúbbý, bardagakall og 2 veikir bláhákarlar í búrinu:

[Inga Þóran]

úhhhh hvað kagglinn minn er flottur