Hvernig á að grisja?

[Þorsteinn E.]

Er með Egeria Densa (Vatnapest) plöntuna, sem er ansi hraðvaxandi. Ég var að velta því fyrir mér hvort ég þyrfti ekki að klippa neðan af henni frekar en taka af henni að ofan, sem ég er hræddur um að dræpi hana.
Mér þætti vænt um að fá að vita hvernig ég ætti að bera mig að. (þetta er kannski asnaleg spurning fyrir þá sem vel þekkja til )

Ps. Þakka hjartanlega fyrir greinargóð svör og upplýsingar sem ég hef fengið við fyrri spurningum mínum!!!

[Andri Pogo]

þegar þú ert að grisja svona sprotaplöntur þá er betra að taka ofan af þeim heldur en að klippa neðan af henni.
Það eru rætur á þeim neðst sem er betra að halda.

Annars vaxa rætur á nýjum sprotum sem þú klippir af og stingur niður, en plantan helst auðvitað ekki jafn vel niðri og "móðurplantan" sem er með rætur.
Þú getur s.s. bæði klippt ofan af henni og stungið afklippunni í mölina og leyft henni að skjóta rætum, svo koma líka sprotar til hliðanna og oft smá rætur með þeim sem er líka hægt að taka af og planta niður.

[Gudmundur]

þessi tiltekna planta er einkar hörð og í sjálfu sér hægt að rífa hana í sundur og stinga niður eða láta fljóta og allir bútar halda áfram að stækka