300L samfélagsbúr: Bogga/TobbiHJ

[TobbiHJ]

Jæja, þá er að komast mynd á samfélagsbúrið okkar.

Við keyptum notað búr fyrir 2 vikum með nokkrum hlunkum.
Í gær komust síðustu fiskarnir í fóstur á góð heimili, en í búrinu voru 3 Pangasiusar, 2 sutchi og 1 sanitwongsei og 1 gíraffakattfiskur í stærri kantinum, ochenoglanis occidentalis. Þá voru 3 Koi og 2 gullfiskar í stærri kantinum sem eru líka farnir. Þeir sem við ákváðum að halda voru 3 trúðabótíur og 1 gulur skali.

Þar sem við vildum hafa gróðursælt búr með fjölda smærri fiska voru þeir íbúar ekki að ganga upp; Pangasiusar hefðu séð um fiskana og gíraffinn hefði haldið áfram að grafa sig í gegnum búrið og skemma alla gróðurrækt.

Eftir nokkrar ferðir í flestar dýrabúðir á höfuðborgarsvæðinu og heimsóknir til Vargs er íbúalistinn orðinn eftirfarandi:

Fiskar:
3 skalar, par og stakur
6 Congo-tetrur, 2 kk og 4 kvk
6 Cherry barbar
2 Corydoras
3 Trúðabótíur
1 Kribbi kk
1 Spotted Bulldog pleggi


Gróður:
Vallisneria sp.
Anubias sp.
Java mosi
Java burkni
Óþekkt planta, afleggjari úr gróðurbúri



Yfirlitsmynd 17. nóvember


Spotted Bulldog pleco

Hin hliðin


Cherry barbi


Guli skalinn


Trúðabótía, um 10 cm


Corydoras

[Gudmundur]

flott hjá ykkur búrið
java fern þolir ílla að vera í sandi líður betur fljótandi heldur en í sandi
smellið þeim ofan á steina eða rætur

[Bogga]

Takk fyrir, prófum það

PS. Guðmundur var svo góður að gefa okkur nokkra java fern

[Sven]

Skemmtilegt búr

[Elma]

Mjög fallegt búr hjá ykkur! Gaman að sjá loksins myndir af því

[Ásta]

Skemmtilegt búr hjá ykkur.

[Bogga]

Uppfærsla: Stríðið við þörunginn

Það er þó nokkur tími síðan við skrifuðum síðast um búrið okkar. Við höfum gert einhverjar breytingar á uppsetningu, bæði á plöntum og íbúum. Ætluðum að skipta út T8 ljósastæðunni fyrir T5 en það hefur ekki ennþá verið gert.
Við erum búin að standa í heilmiklu brasi við þörung. Við prófuðum þetta hefðbundna; að stytta ljósatíma, byrgja búrið betur frá sólarljósi, gefa minna og svona, en ekkert gekk. Við gerum regluleg vatnsskipti, ca. 60% vikulega. Þegar þetta gekk ekki lokuðum við á allt ljós og gáfum engan mat í 4 daga. Kíktum inn og allt fínt, þörungurinn horfinn og allir fiskar ná lífi (2 kk með góða sporða voru „rófu“lausir eftir þetta, einhver hefur verið orðinn svangur!). Við skiptum um 60% vatn í kjölfarið. 4 dögum seinna er búrið orðið jafnslæmt. Við myrkvum búrið aftur eftir 2 vikur í 4 daga, þá er það ekki einu sinni nóg, heldur er þörungurinn næstum jafnslæmur og fyrir myrkvun.
Fiskarnir eru orðnir slapplegir og eitthvað sýkingarlegir, við erum búin að missa 2 skala út af óþekktri bakteríusýkingu og plönturnar líta hræðilega út vegna ljósleysis. Við náum þó að bjarga nokkrum afleggjurum yfir í hin búrin okkar. Prófum að salta og hita sem hjálpar fiskunum en fer ennþá verr með plönturnar.
Nú biðjum við um aðstoð á Skrautfisksfundi. Ætlum að reyna að redda okkur UV-ljósi en bíða með þörungaeitur. Skrautfiskur eignast svona ljós stuttu síðar og býðst til að lána okkur það, sem við þiggjum.

Ég klikkaði á að taka mynd fyrir meðferð, en eftir klukkutíma ljósatíma er það strax skárra og lítur svona út, þann 13. febrúar:





Svona lítur þetta út í nærmynd, skot af anubias sem er ca. 10-15 cm frá glerinu:





Lítið gerist fyrsta sólarhringinn, en eftir tæpa 2 daga (44 klst) er allt annað að sjá búrið. Það er þó ekki enn orðið alveg tært:





5 klukkustundum seinna, eftir 49 klst er búrið orðið svona:





Síðan batnar þetta hægt og hægt og þegar við aftengjum UV-ljósið, eftir 5 daga notkun, er búrið orðið svona, þann 18. febrúar:





Og við erum orðin sátt!

Við þökkum Skrautfiski enn og aftur fyrir lánið á ljósinu!

Bogga/TobbiHJ

[keli]

Muna að skipta vel um vatn eftir þetta, fullt af dauðum þörungi þýðir fullt af nítrati

[TobbiHJ]

Það voru 70% skipti á eftir og svo venjulega 50-60% skipti vikulega hjá okkur, þau mál eru í góðum málum... Hvíti sandurinn heldur manni líka vel við efnið